കൽപന ചൗള മാത്രമല്ല, സ്വന്തം ഭാര്യയും ‘പെണ്ണാണെന്ന’ തിരിച്ചറിവുണ്ടായാൽ മതി: പെണ്ണ് തേടുന്ന സ്വാതന്ത്ര്യം; കുറിപ്പ്

ആണധികാരത്തിന്റെ നിഴലിൽ ഒതുങ്ങി പോകുന്ന സ്ത്രീകളുടെ പ്രതിനിധിയായിരുന്നു ഫ്രീഡം അറ്റ് മിഡ്നൈറ്റിലെ ചന്ദ്ര. അനുപമ പരമേശ്വരൻ അവിസ്മരണീയമാക്കിയ കഥാപാത്രം വലിയ രീതിയിലുള്ള ചർച്ചകൾക്കും വഴിവച്ചു. ഇപ്പോഴിതാ ചിത്രം സംസാരിക്കുന്ന സ്ത്രീ സ്വാതന്ത്ര്യത്തെ കുറിച്ച് ശ്രദ്ധേയമായ കുറിപ്പ് പങ്കുവയ്ക്കുകയാണ് ശിൽപ നിരുവിൽപുഴ. മൂവി സ്ട്രീറ്റ് എന്ന സിനിമ സൗഹൃദ കൂട്ടായ്മയിലാണ് ശിൽപ ശ്രദ്ധേയമായ കുറിപ്പ് പങ്കുവയ്ക്കുന്നത്.

ഫെയ്സ്ബുക്ക് കുറിപ്പ് വായിക്കാം:

ചന്ദ്രയെ പോലെ ഇന്നാട്ടിലെ ഓരോ സ്ത്രീയും അർഹിക്കുന്നുണ്ട്, “സ്വാതന്ത്ര്യം”.
പെണ്ണായി തന്നെ ജനിച്ചു വീഴാനുള്ള സ്വാതന്ത്ര്യം.
ഓർമവക്കുന്ന കാലം തൊട്ടേ അച്ഛനുമമ്മയുമുൾപ്പെടെ വീട്ടുകാരും നാട്ടുകാരും ചേർന്ന് കുത്തിവക്കുന്ന “അത് ചെയ്യരുത്” “ഇത് ചെയ്യരുത്” എന്ന വിലക്കുകളിൽ നിന്നുള്ള സ്വാതന്ത്ര്യം.
ഇഷ്ടമുള്ള വസ്ത്രം ധരിക്കാനുള്ള സ്വാതന്ത്ര്യം.

അഭിപ്രായം പ്രകടിപ്പിക്കാനും ആശയവിനിമയം ചെയ്യാനും കഴിവ് പ്രദർശിപ്പിക്കാനുമുള്ള സ്വാതന്ത്ര്യം.
രാത്രിയെന്നോ പകലെന്നോ വേർതിരിവില്ലാതെ പുറത്തിറങ്ങി നടക്കാനുള്ള സ്വാതന്ത്ര്യം.
തനിക്ക് ചെയ്യാൻ കഴിയുന്ന ജോലി തിരഞ്ഞെടുക്കാനുള്ള സ്വാതന്ത്ര്യം.

പൊതു ഇടങ്ങളിൽ സംഘടിക്കാനും ചേർന്നു നിൽക്കാനുമുള്ള സ്വാതന്ത്ര്യം.
ഇഷ്ടപ്പെട്ട മനുഷ്യനെ പ്രണയിക്കാനും ഒരുമിച്ച് ജീവിക്കാനുമുള്ള സ്വാതന്ത്ര്യം.
സിനിമയിൽ ചന്ദ്ര പറയും പോലെ സെക്ഷ്വൽ ഫ്രീഡം,”നോ” പറയാനുള്ള സ്വാതന്ത്ര്യം.
തുല്യ അവസരങ്ങളും അവകാശങ്ങളും നേടിയെടുക്കാനുള്ള സ്വാതന്ത്ര്യം.
“ഞാനൊരുപാട് വട്ടം പറഞ്ഞിട്ടുണ്ട്.ദാസ് അത് കേൾക്കാഞ്ഞിട്ടാണ്.”

ചുറ്റുമുള്ള സ്ത്രീകളോട് ഇടക്കൊക്കെ ഒന്ന് ചെവി കൊടുത്തു നോക്കാം.വർഷങ്ങളായി അനുഭവിക്കുന്ന നീതിനിഷേധങ്ങളെ കുറിച്ചൊരു സൂചനയെങ്കിലും കിട്ടാതിരിക്കില്ല.
“Men and women have equal respect in my team.”
ചുറ്റുമുള്ളവരെ പോലെ, ബഹിരാകാശത്തു പോയ കല്പന ചൗളയെ പോലെ,ഒളിമ്പിക്സിൽ മെഡൽ വാങ്ങിയ സൈന നെഹ്‌വാളിനെ പോലെ, സ്വന്തം ഭാര്യയും സ്വന്തം മകളും പെണ്ണാണെന്നും അവരും ബഹുമാനവും സ്നേഹവും അർഹിക്കുന്നുമുണ്ടെന്ന തിരിച്ചറിവ്, ഒരു മനുഷ്യനെന്ന നിലയിൽ ഏറ്റവും കുറഞ്ഞത് അതെങ്കിലും ഉണ്ടാവുന്നത് നല്ലതാണ്.
സ്വാതന്ത്ര്യം..!

സ്നേഹത്തെക്കാൾ മനോഹരമായ വാക്ക് അത് തന്നെയാണ്..
ചുരുങ്ങിയത് സ്ത്രീകൾക്കെങ്കിലും.!
_Shilpa Niravilpuzha

Most Popular

എന്റെ തെറ്റുകള്‍ ആവര്‍ത്തിച്ച്‌ വഞ്ചിക്കപ്പെടരുത്!

അഡൾട് ഒൺലി ചിത്രങ്ങളിലൂടെ പ്രേക്ഷകരുടെ ആവേശമായി മാറിയ നടിയാണ് ഷക്കീല. ഷക്കീലയുടെ ബയോപിക്കായ 'ഷക്കീല' സിനിമ റിലീസിന് ഒരുങ്ങുകയാണ്. ജീവിച്ചിരിക്കുമ്ബോള്‍ തന്നെ തന്റെ ബയോപിക് ഒരുങ്ങുന്നതില്‍ സന്തോഷമുണ്ടെന്ന് വ്യക്തമാക്കി രംഗത്ത് എത്തിയിരിക്കുകയാണ് ഷക്കീല....

ഭക്ഷണവും വീട്ടില്‍ നിന്ന് കൊണ്ട് വരണോ? മോഹന്‍ലാലിന് നായികയെ ക്ഷണിക്കാന്‍ പോയ കഥ പറഞ്ഞ് റാഫി

ഹലോ എന്ന ഒറ്റ ചിത്രത്തിലൂടെ ജനപ്രീതി സ്വന്തമാക്കിയ നടിയാണ് പാര്‍വതി മില്‍ട്ടന്‍. മോഹന്‍ലാലിനെ നായകനാക്കി റാഫി മെക്കാര്‍ട്ടിന്‍ ടീം അണിയിച്ചൊരുക്കിയ ഹിറ്റ് ചിത്രമായിരുന്നു ഹലോ. അഡ്വക്കേറ്റ് ശിവരാമന്‍ എന്ന ആല്‍ക്കഹോളിക് കഥാപാത്രമായി മോഹന്‍ലാല്‍...

ബിഗ് ബോസ്സിലെ ബൈപോളാർ മസ്താനി വീണ്ടും കിടിലൻ ഗ്ലാമർ ലുക്കിൽ:രേഷ്മയുടെ ഗ്ലാമർ വീഡിയോ വൈറലാകുന്നു

ബിഗ് ബോസ് സീസൺ രണ്ടിലെ ഏറ്റവും ശക്തായായ മത്സരാർത്ഥികളിൽ ഒരാളായിരുന്നു മോഡലായ രേഷ്മ. ബിഗ് ബോസ് സീസൺ അവസാനിക്കുന്നതിന് തൊട്ടുമുമ്പ് വിവാദമായ രജിത് കുമാറിന്റെ എക്സിറ്റും ചർച്ചയുമാണ് രേഷ്മയെ പ്രേക്ഷകർക്ക് പരിചയപ്പെടുത്തിയത്.ബിഗ് ബോസ്...

അച്ഛനും അമ്മയും നല്ലതു പഠിപ്പിച്ചില്ല. പഠിപ്പിക്കാൻ ശ്രമിച്ചത് ഞാൻ കേട്ടതുമില്ല. കഴിച്ച ഭക്ഷണം എല്ലിൽ കുത്തി തുടങ്ങിയപ്പോൾ ചുമ്മാ ഞാനും മറ്റുള്ളവരെ കുത്തി നോവിക്കാൻ തുടങ്ങി – സൂര്യ ജെ മേനോൻ

ബിഗ് ബോസ് സീസൺ 3 യിലൂടെ പ്രേക്ഷക ഹൃദയങ്ങളിൽ ഇടം പിടിച്ച താരമാണ് നടി സൂര്യ മേനോൻ.നടിയും മോഡലുമായ സൂര്യ ബിഗ് ബോസ്സിലെത്തിയതിനു ശേഷമാണ് കൂടുതൽ പ്രശസ്തയായത്.ബിഗ് ബോസ്സിലെ കണ്ണീർ പുത്രീ എന്നറിയപ്പെട്ടിരുന്ന...