അമലയുമൊത്തുള്ള ഒരു ചിത്രങ്ങളും പ്രസിദ്ധീകരിക്കാന്‍ പാടില്ല; മുൻ കാമുകനെ വിലക്കി ഹൈക്കോടതി

ഫോട്ടോ ഷൂട്ടിനായി പകർത്തിയ ചിത്രം ദുരുപയോ​ഗം ചെയ്തെന്ന് ചൂണ്ടിക്കാട്ടി ​ഗായകൻ ഭവ്നിന്ദര്‍ സിങ്ങിനെതിരെ അമല പോൾ മദ്രാസ് ഹൈക്കോടതിയിൽ അപകീർത്തി കേസ് ഫയൽ ചെയ്തിരുന്നു. ഇപ്പോഴിതാ അമലയുമൊത്തുള്ള ചിത്രങ്ങള്‍ പ്രസിദ്ധീകരിക്കാന്‍ പാടില്ലെന്ന് ഭവ്നിന്ദര്‍ സിങ്ങിനെ വിലക്കിയിരിക്കുകയാണ് ഹൈക്കോടതി. കേസ് പരിഗണിച്ച ജസ്റ്റിസ് സതീഷ് കുമാർ അടുത്ത വാദം ഡിസംബർ 22 ലേക്ക് മാറ്റി.

അമലയും ഗായകൻ ഭവ്നിന്ദര്‍ സിംഗും പ്രണയത്തിലാണെന്ന് വാർത്ത കുറച്ചു നാൾ മുൻപ് മാധ്യമങ്ങളിൽ പ്രചരിച്ചിരുന്നു. തുടർന്ന് പലപ്പോഴും ഇരുവരുമൊത്തുള്ള ചിത്രങ്ങളും ഇൻറർനെറ്റിൽ പ്രചരിച്ചിരുന്നു. അതോടൊപ്പം വാർത്തയെ സാധൂകരിക്കുന്ന തരത്തിൽ ആടൈ സിനിമയുടെ പ്രമോഷൻ സമയത്ത് താൻ പ്രണയത്തിലാണെന്ന് അമല പോൾ വെളിപ്പെടുത്തിയിരുന്നു. സിനിമകള്‍ തിരഞ്ഞെടുക്കുമ്പോള്‍ അയാളുമായി ചര്‍ച്ച ചെയ്യാറുണ്ടെന്നും ‘ആടൈ’ എന്ന ചിത്രത്തില്‍ അഭിനയിക്കാന്‍ അവസരം ലഭിച്ചപ്പോള്‍ ആദ്യം പറഞ്ഞത് അദ്ദേഹത്തോടായിരുന്നു എന്നും അമല പറഞ്ഞിരുന്നു. ഫിലിം കമ്പാനിയന് നല്‍കിയ അഭിമുഖത്തിലായിരുന്നു അമലയുടെ വെളിപ്പെടുത്തല്‍.

അമലയുടെ വാക്കുകൾ ഇങ്ങനെയാണ് “ആര്‍ക്കും അറിയാത്ത കാര്യമാണ് ഇത്. ഞാന്‍ ഒരു ബന്ധത്തിലാണ്. ആടൈ എന്ന സിനിമയുടെ കഥ കേട്ടപ്പോള്‍ ഞാന്‍ ആദ്യം അദ്ദേഹത്തോടാണ് പങ്കു വച്ചത്. അദ്ദേഹത്തിന്റെ അഭിപ്രായം കേള്‍ക്കാന്‍ ആകാംക്ഷയുണ്ടായിരുന്നു. അദ്ദേഹം എന്നോട് പറഞ്ഞത് ‘ഈ കഥാപാത്രമാകാന്‍ നീ ശരിക്കും സ്വയം പ്രാപ്തയാകണം. ഈ സിനിമ ചെയ്യുകയാണെങ്കില്‍ ശാരീരികമായും മാനസികമായും തയ്യാറെടുക്കണം. സിനിമയില്‍ അഭിനയിക്കാന്‍ തീരുമാനിച്ചാല്‍ അതുമായി മുന്നോട്ടു പോകുക,’ എന്നാണ്,” അമല വെളിപ്പെടുത്തി. ‘ആടൈ’ മാത്രമല്ല, തന്റെ എല്ലാ സിനിമകളും അദ്ദേഹവുമായി ചര്‍ച്ച ചെയ്യാറുണ്ട് എന്നും അവര്‍ പറഞ്ഞിരുന്നു.

“യഥാര്‍ത്ഥ സ്‌നേഹം എന്റെ മുറിവുണക്കാന്‍ സഹായിച്ചു. ഞാന്‍ വിചാരിച്ചിരുന്നത് ഉപാധികളില്ലാതെ എന്നെ സ്‌നേഹിക്കാന്‍ അമ്മയ്ക്ക് മാത്രമേ കഴിയൂ എന്നാണ്. എന്നാല്‍ അദ്ദേഹം ആ ധാരണ മാറ്റി. എനിക്ക് വേണ്ടി, എനിക്കൊപ്പം സമയം ചെലവഴിക്കാന്‍ വേണ്ടി അദ്ദേഹം സ്വന്തം ജോലിയും കരിയറും എല്ലാം ത്യജിച്ചു. അദ്ദേഹത്തിന് എന്റെ പാഷന്‍ അറിയാം. അദ്ദേഹം അതിനെ പിന്തുണച്ച് കൂടെ നിന്നു. എന്തുണ്ടെങ്കിലും എന്നെ പുകഴ്ത്തുന്ന ആളല്ല, എന്റെ കുറവുകളും പോരായ്മകളും ചൂണ്ടിക്കാണിക്കാറുണ്ട്. ഒരു മൂന്നാം കണ്ണ് തുറന്നു തന്നു.” പക്ഷേ അമല ഈ പറഞ്ഞത് ഭാവ്നിന്ദർ നെ കുറിച്ചാണോ എന്നത് ഉറപ്പില്ല.

കുറച്ചു നാളുകൾക്ക് മുൻപ് ഭവ്നിന്ദര്‍ സിംഗ് സമൂഹ മാധ്യമങ്ങളിൽ പങ്കുവച്ച ചിത്രമാണ് വിവാദമായത്. പരമ്പരാഗത വിവാഹ ചിത്രങ്ങൾ അണിഞ്ഞു വധൂവരന്മാരെ പോലെ നിൽക്കുന്ന അമലയും ഭാവനിന്ദറും അതായിരുന്നു ചിത്രങ്ങൾ. അതോടെ അതിരുവരുടെയും വിവാൻ കഴിഞ്ഞു എന്ന തരത്തിൽ വാർത്തകൾ വാർത്തകൾ പ്രചരിച്ചിരുന്നു. സമൂഹ മാധ്യമങ്ങളില്‍ അമലാ പോളിന്റെ രണ്ടാമത്തെ വിവാഹം കഴിഞ്ഞുവെന്ന രീതിയില്‍ ചിത്രങ്ങള്‍ പ്രചരിച്ചിരുന്നു. ഇതിനെ ഉറപ്പിക്കുന്ന തരത്തിൽ ഈ ചിത്രങ്ങൾ ഭാവ്നിന്ദർ തന്റെ ഇൻസ്റ്റാഗ്രാം അക്കൗണ്ടിൽ ആ ചിത്രങ്ങൾ പങ്ക് വെക്കുകയുംഎം പെട്ടന്ന് താനാണ് നീക്കം ചെയ്യുകയും ചെയ്തു.ഇതോടെയാണ് കൂടുതൽ വാർത്തയായത്. ഈ വാർത്തയെ നിഷേധിക്കാനോ എന്തെങ്കിലും അഭിപ്രായം പറയാനോ നടി തയ്യാറായിരുന്നില്ല.

Most Popular

പേയിംഗ്‌ ഗസ്റ്റായി താമസിച്ച്ചിരുന്ന വീട്ടിലെ 15 വയസ്സുള്ള കൗമാരക്കാരനെ ലൈംഗീകമായി പീഡിപ്പിച്ച ഇരുപത്തിനാലുകാരിയെ പോലീസ് പോസ്കോ വകുപ്പ് ചുമത്തി അറസ്റ്റ് ചെയ്തു

മുംബൈ ; തന്റെ വീട്ടിൽ പേയിംഗ്‌ ഗാസ്റ്റായി താമസിച്ചിരുന്ന യുവതി കൗമാരക്കാരനായ മകനെ ലൈംഗീകമായി പീഡിപ്പിച്ചു വീട്ടമ്മയുടെ പരാതിയിൽ ഇരുപത്തിനാലുകാരിയെ പോലീസ് അറസ്റ്റ് ചെയ്തു. മുംബൈ ഗോരേഗാവിൽ പേയിംഗ് ഗെസ്റ്റ്...

60 വയസ്സുള്ള ബാലകൃഷ്ണയെ യുവ നടൻ അങ്കിൾ എന്ന് വിളിച്ചു മൊബൈൽ വലിച്ചെറിഞ്ഞും കൈ തട്ടിമാറ്റിയും ദേഷ്യം പ്രകടിപ്പിച്ചു സൂപ്പർ താരം വീഡിയോ കാണാം

സൂപ്പർ താരങ്ങളുടെ താര ജാഡയുടെ പാൽ അസഹനീയമായ വിഡിയോകളും ചിത്രങ്ങളും ധാരാളം പ്രചരിച്ചിട്ടുണ്ട് മുൻപും .ഇപ്പോൾ സോഷ്യൽ മീഡിയയിൽ തെലുഗു സൂപ്പർ സ്റ്റാർ ബാലകൃഷ്ണയെ പ്രായം പരിഗണിച്ചു യുവ നടൻ...

കീര്‍ത്തിയും അനിരുദ്ധ് രവിചന്ദറും പ്രണയത്തില്‍,വിവാഹം ഉടന്‍? വാര്‍ത്തകളോട് പ്രതികരിച്ച്‌ താരത്തിന്റെ പിതാവ്

മലയാളവും കടന്നു തമിഴും തെലുങ്ക് അടക്കി വാഴുകയാണ് നടി കീർത്തി സുരേഷിപ്പോൾ. കീര്‍ത്തി സുരേഷ് വിവാഹിതയാകുന്നുവെന്ന് റിപ്പോര്‍ട്ടുകള്‍ ഇപ്പോൾ സമൂഹ മാധ്യമങ്ങളിൽ വൈറലായിരിക്കുകയാണ്. സംഗീതസംവിധായകന്‍ അനിരുദ്ധ് രവിചന്ദറും കീര്‍ത്തിയും തമ്മില്‍ പ്രണയത്തിലാണെന്നും ഈ...

പെണ്‍കുട്ടികളും അവരുടെ കുടുംബങ്ങളും മികച്ച തിരഞ്ഞെടുപ്പ് നടത്താന്‍ തുടങ്ങിയാല്‍, പുരുഷന്മാരെ.. നിങ്ങള്‍ക്ക് ചോയ്സ് അവശേഷിക്കില്ല: അഹാന കൃഷ്ണകുമാര്‍

സ്ത്രീധനത്തിന്റെ പേരിൽ ധാരാളം പെൺകുട്ടികൾ ഇന്ത്യയിൽ ദിനം പ്രതി മരിക്കുന്നുണ്ട് എങ്കിലും നമ്മുടെ കേരളത്തിൽ അത് പൊതുവേ വളരെ കുറവായിരുന്നു .പക്ഷേ കഴിഞ്ഞ കുറച്ചു ദിവസംഗക് ആയി സംഭവിക്കുന്ന കാര്യങ്ങൾ അതിനു ഘടക...