‘ലുക്ക് ഒണ്ടന്നേയുള്ളു ഞാന്‍ വെറും കൂതറയാണ്’; ഇനി ചോദിക്കാനോ പറയാനോ നിക്കില്ല തൂക്കി എടുത്ത് ദൂരെ എറിയും

മലയാളി ടെലിവിഷൻ പ്രേക്ഷകരുടെ ഇഷ്ട്ട ഷോ ആയി മാറിയിരിക്കുകയാണ് ബിഗ് ബോസ് സീസൺ 3 . പക്ഷേ കഴിഞ്ഞ ഒന്ന് രണ്ടു ആഴ്ചയായി സംഭവബഹുലമായി മാറിയിരിക്കുകയാണ് ബിഗ് ബോസ് മലയാളം സീസണ്‍ 3. കഴിഞ്ഞ ദിവസത്തെ ടാസ്‌ക്കിനിടെ സജ്‌നയെ സായ് വിഷ്ണു മര്‍ദ്ദിച്ച സംഭവം ഇപ്പോഴും ബിഗ് ബോസ് വീട്ടിനുള്ളില്‍ കെട്ടടങ്ങിയിട്ടില്ല. കഴിഞ്ഞ ദിവസത്തെ എപ്പിസോഡ് ആരംഭിച്ചത് മുതല്‍ ഈ വിഷയം വീണ്ടും ചര്‍ച്ചയായി. മോണിംഗ് ടാസ്‌ക്കിനിടെ താന്‍ ആരെയെങ്കിലും ശാരീരികമായി ഉപദ്രവിച്ചിട്ടുണ്ടോയെന്ന് ചോദിച്ചു കൊണ്ട് സായ് വിഷ്ണു തന്നെ രംഗത്ത് എത്തുകയായിരുന്നു.ഇന്നലെയും ഇതേ വിഷയത്തില്‍ ബിഗ് ബോസിന് ഇടപെടേണ്ടി വന്നു. സായ് വിഷ്ണുവിനെതിരെ പരാതിയുമായി സജ്‌നയും ഫിറോസുമെത്തിയതോടെയായിരുന്നു ബിഗ് ബോസ് ഇടപെട്ടത്. എന്നാല്‍ സജ്‌നയോട് ബിഗ് ബോസ് വീടിനുള്ളിലെ മാനസിക ആക്രമണങ്ങള്‍ താങ്ങാന്‍ പറ്റില്ലെങ്കില്‍ വീട്ടിലേക്ക് പോകാം എന്നാണ് ബിഗ് ബോസ് പറഞ്ഞത്. ഇപ്പോഴിതാ കഴിഞ്ഞ ദിവസത്തെ എപ്പിസോഡിനെ കുറിച്ച് തുറന്നെഴുതുകയാണ് സീരിയൽ നടി അശ്വതി.

അശ്വതിയുടെ ബിഗ് ബോസ് നിരീക്ഷണങ്ങൾ എല്ലാം ശ്രദ്ധിക്കപ്പെടാറുണ്ട്. താരം സ്വയം ഷോയിൽ പോകാൻ താത്പര്യമുണ്ടെന്ന് അറിയിച്ച ഒരാളാണ്. കഴിഞ്ഞ ദിവസത്തെ സംഭവ വികാസങ്ങളെ കുറിച്ചുള്ള അശ്വതിയുടെ നിരീക്ഷണമാണ് ഇപ്പോൾ വൈറലായിരിക്കുന്നത്. ചോദിക്കാനോ പറയാനോ നിക്കത്തില്ല തൂക്കി എടുത്തു ദൂരെ എറിയും പറഞ്ഞേക്കാം എന്നാണ് അശ്വതി പറയുന്നത്. ഇന്നലെ സജ്‌നയേയും ഫിറോസിനേയും ബിഗ് ബോസ് കണ്‍ഫെഷന്‍ റൂമിലേക്ക് വിളിച്ചിരുന്നു. വീടിനുള്ളിലെ പ്രശ്‌നങ്ങള്‍ അവിടെ തന്നെ പരിഹരിക്കാന്‍ നോക്കണമെന്നായിരുന്നു ബിഗ് ബോസ് പറഞ്ഞത്. സായ് വീണ്ടും മാനസികമായി തളര്‍ത്താന്‍ ശ്രമിക്കുകയാണെന്ന പരാതിയാണ് സജ്ന മുന്നോട്ട് വെച്ചത്. കണ്‍ഫെഷന്‍ റൂമിന് രണ്ട് വാതിലുകളുണ്ട്. ഒരെണ്ണം വീടിന് അകത്തേക്കും മറ്റൊന്ന് നിങ്ങളുടെ വീട്ടിലേക്കും. മാനസികമായ ആക്രമണങ്ങളെ നേരിടാന്‍ കഴിയുന്നില്ലെങ്കില്‍ ഇടതുവശത്തുള്ള വാതിലൂടെ വീട്ടിലേക്ക് പോകാമെന്ന് ഇരുവരോടും ബിഗ് ബോസ് പറയുന്നു.

സായ് ആകെ ടെന്‍ഷനിലാണ്. കുട്ടി സ്ത്രീകളെ വളരെ അധികം ബഹുമാനിക്കും പക്ഷെ ദേഷ്യം വന്നാ നമ്മടെ രാജുവേട്ടന്‍ പറഞ്ഞപോലെ ‘ലുക്ക് ഒണ്ടന്നേയുള്ളു ഞാന്‍ വെറും കൂതറയാണ് ‘ എന്ന പോലെയാണ് എന്നും അശ്വതി പറയുന്നു. സായ് ദേഷ്യം നിയന്ത്രിക്കണമെന്ന് ബിഗ് ബോസ് തന്നെ ആവശ്യപ്പെട്ടിരുന്നു. സായിയുടെ പെരുമാറ്റത്തിനെതിരെ പ്രേക്ഷകര്‍ക്കിടയില്‍ തന്നെ വിമര്‍ശനം ശക്തമായി ഉയരുന്നുണ്ട്.ഇതിനിടെ ബിഗ് ബോസ് വീട്ടില്‍ ഒരു ലവ് ട്രാക്ക് ഒരുങ്ങുന്നുണ്ടെന്നും അശ്വതി പറയുന്നു. പക്ഷെ ഞങ്ങള്‍ പ്രേക്ഷകരെ അങ്ങനെ പറ്റിക്കന്നൊന്നും കരുതണ്ടാ. ഈ സീനൊക്കെ കഴിഞ്ഞ സീസണില്‍ പലരും വിട്ടതാണെന്നു പറയാന്‍ പറഞ്ഞു എന്നും അശ്വതി പറയുന്നു. മോര്‍ണിങ് ടാസ്‌ക് കുളമായതില്‍ അനൂപ് ആകെ അസ്വസ്ഥന്‍ ആണെന്നും പറ്റാവുന്നതിന്റെ മാക്‌സിമം എണ്ണ മണിക്കുട്ടന്‍ കോരി ഒഴിക്കുന്നുണ്ടെന്നും എവിടേലും വെച്ചു അത് സായിക്ക് കിട്ടിക്കോളും എന്നും അശ്വതി പറയുന്നു.

ഇന്നലെ തൊട്ടു കിളിപ്പോയ സൂര്യ അവിടെ അവിടെ പ്രാഞ്ചി പ്രാഞ്ചി നടപ്പുണ്ട്. കുട്ടി ഏതു സമയവും കണ്ണാടിയില്‍ നോക്കി പിച്ചും പേയും പറയും. ലാലേട്ടന്‍ വരുമ്പോ നമ്മടെ കാട്ടുപറമ്പന്‍ ചേട്ടനെ (നമ്മടെ മണിച്ചിത്രത്താഴിലെ ) കൊണ്ട് ഒരു തകിട് ജപിച്ചു കെട്ടിക്കണം. ലേശം ലക്ക് കെട്ട മട്ടാ എന്നും അശ്വതി കൂട്ടിച്ചേര്‍ക്കുന്നു. ബിഗ് ബോസിനെ കുറിച്ചുള്ള അശ്വതിയുടെ വിലയിരുത്തലുകള്‍ ശ്രദ്ധ നേടാറുണ്ട്.

 

 

 

 

Most Popular

മഹേഷ് ഭട്ട് കങ്കണക്കു നേരെ ഷൂസ് വലിച്ചെറിഞ്ഞോ? അന്ന് എന്താണ് യഥാർത്ഥത്തിൽ സംഭവിച്ചത്? തിരക്കഥകൃത്തായ ഷാഗുഫ്ത്ത റഫീഖിന്റെ വെളിപ്പെടുത്തൽ

ബോളിവുഡ് നടൻ സുശാന്ത് സിംഗ് രജ്പുത്തിന്റെ ആത്മഹത്യക്കേസിന് ശേഷം നിരവധി ചലച്ചിത്ര പ്രവർത്തകർക്ക് നേരെ നടി കങ്കണ സ്വജനപക്ഷപാതം ആരോപിചിരുന്നു.ആ ആരോപണങ്ങളിൽ മുൻ പന്തിയിൽ നിൽക്കുന്ന ആളാണ് ചലച്ചിത്ര സംവിധായകനും...

പശുക്കുട്ടിയെ വാഹനമിടിച്ചിട്ടു; പരിക്കേറ്റ കിടാവിനൊപ്പം ആശുപത്രി വരെ നിഴല്‍ പോലെ പിന്തുടര്‍ന്ന് അമ്മ പശു വീഡിയോ കാണാം

മാതൃത്വം എന്നത് ഭൂമിയിലെ ഏറ്റവും മനോഹരമായ അവസ്ഥയാണ്. മക്കൾക്ക് വേണ്ടി സ്വൊന്തം ജീവൻ വരെ ത്യജിക്കാൻ തയ്യാറാകുന്നവരാണ് ഒട്ടു മിക്ക അമ്മമാരും അതിൽ മനുഷ്യനെന്നോ മൃഗമെന്നോ യാതൊരു വ്യത്യാസവുമില്ല. ആ വികാരത്തിന് പരിധികളില്ല...

നൂതന സാങ്കേതിക വിദ്യയിൽ ഇതിഹാസ ചിത്രവുമായി പ്രിത്വിരാജ് എത്തുന്നു – എന്താണ് വെർച്യുൽ പ്രൊഡക്ഷൻ

പ്രതിസന്ധികാലഘട്ടങ്ങൾ അതിജീവിക്കാൻ പല നൂതന സംവിധാനങ്ങളെയും മനുഷ്യൻ ആശ്രയിക്കും അതാണ് സയൻസിന്റെ വിജയം കോവിഡ് മഹാമാരിയുടെ വ്യാപനത്തിൽ വിറങ്ങലിച്ചു നിൽക്കുന്ന സിനിമ ലോകത്തെ പ്രതിസന്ധികൾ പരിഹരിക്കുന്നതിന് വേണ്ടി ഒരു നൂതന...

തനിക്കു അവസരങ്ങൾ കുറയുവാനുള്ള കാരണം റിമ കല്ലിങ്കലാണ് എന്ന് നടി സുരഭി ലക്ഷ്മി

മികച്ച നടിക്കുള്ള ദേശീയ അവാർഡ് നേടിയ നടി സുരഭിലക്ഷ്മി മിന്നാമിനംഗ്, ഗുൽമോഹർ, തിരക്കഥ തുടങ്ങി നിരവധി ചിത്രങ്ങളിൽ ശ്രദ്ധേയമായ വേഷങ്ങൾ ചെയ്തു പ്രേക്ഷക നിരൂപക പ്രശംസ ഏറ്റുവാങ്ങിയിട്ടുണ്ട്. അടുത്തിടെ ഏവരെയും ഞെട്ടിക്കുന്ന ഒരു...